Aparecen gatos e cans mortos pola inxestión de veleno nun barrio da Coruña

Os veciños alertan do veleno en varias zonas do barrio das Flores.

"Poñen cebos e, ás veces, ata os deixan con alfinetes".

"En quince días xa morreron 3 animais", comentan os veciños.

E din que o veleno tamén supón un risco para os veciños, sobre todo para os máis pequenos.

"Eu, por exemplo, teño dous fillos pequenos que tocan e collen todo... imaxina o perigo", argumenta unha veciña do barrio.

Así que andan á procura do responsable ou responsables, malia que algún veciño cre saber quen está detrás de todo isto. E para ter probas que o inculpen, nos seus carteis xa advirten de que no barrio hai cámaras instaladas para poder pillalo na allada.

Amais, piden a colaboración cidadá para poder rematar con este problema, e antes de que haxa máis vítimas.