Os corpos dos falecidos no naufraxio do Argos Georgia continúan no Reino Unido

Os corpos recuperados no naufraxio do Argos Georgia permanecen no Reino Unido dende o mércores onde se lles están a practicar as autopsias.

Entre eles están os tres galegos Santiago Leyenda, César Acevedo e Antonio Barreiro, veciño de Noia, identificado esta semana grazas a unhas probas dentais.

Deste xeito, o único galego que continúa desaparecido tras o afundimento do pesqueiro nas Malvinas é Juan Antonio García Rey, natural de Ribeira.

Unha vez rematados os protocolos da autopsia, os restos mortais deberán permanecer aínda varios días no Reino Unido ata que se formalicen os trámites da repatriación, da que se ocupan os seguros.