Arrastran un hostaleiro de Brion 20 metros engachado nunha furgoneta

Un hostaleiro de Brión sofre importantes lesións tras ser arrastrado uns 20 metros enganchado á furgoneta duns clientes aos que intentaba cobrarlles unhas bebidas que finalmente non pagaron.

Os supostos agresores son unha parella que xa foi detida e quedou en liberdade, cunha orde de afastamento da vítima e da súa muller.

Un cartel na fachada advirte os clientes que o restaurante Kratos permanece pechado temporalmente por enfermidade. O seu propietario, Manuel, recupérase das graves lesións que sufriu durante un roubo hai un par de semanas.

Foi un venres pola noite, cando unha muller entrou a comprar unhas botellas de alcol. Atendeuna a muller de Manuel. No momento de pagar a tarxeta daba problemas e a clienta pediulle que saíse fóra para cobrarlle ao home que a esperaba nunha furgoneta. Saíu Manuel.

A propietaria da farmacia situada en fronte do restaurante foi a primeira en auxiliar a Manuel, como nos relataba esta mañá unha das súas empregadas.

O hostaleiro sufriu rotura de úmero, feridas na cara, contusións por todo o corpo e mesmo partiu un dente. Dáse a circunstancia de que os agresores viven moi preto do restaurante. Moitos veciños son reticentes a falar por temor a represalias. Ao parecer non é a primeira vez que provocan algún altercado.