Cargando resultados...
Atopan con vida o home desaparecido en Rairiz de Veiga
Atopan con vida o home desaparecido en Rairiz de Veiga
Unha ambulancia acudiu á zona de Sabariz para atendelo
G24.gal
22/07/2024 19:57
Última actualización 22/07/2024 20:54
Atopan o home de 98 anos desaparecido en Rairiz de Veiga dende a tarde do venres.
Estaba nunha granxa de polos a un quilómetro e medio da súa casa, na zona de Sabariz.
Foi o dono da granxa o que deu con el arredor das sete e media da tarde.
O home estaba consciente pero nun estado moi fráxil. Unha ambulancia acudiu ata o lugar para atendelo.
O home ten perdas de memoria e marchou da casa tras forzar unha cancela que lle tiñan trancada.
Ás oito da mañá deste luns retomábase a busca do ancián.
Dende o primeiro momento buscaron polos arredores da vivenda, pero sen rastro. Toda a fin de semana ampliaron o radio ás aldeas lindeiras axudados por unha chea de medios.
