Atopan unha serpe de metro e medio no patio dun colexio de Mondoñedo
Atopan unha serpe de metro e medio no patio dun colexio de Mondoñedo
No momento do incidente, a maior parte do alumnado do centro estaba no patio
Serpe localizada nun colexio de Mondoñedo (Imaxe: Garda Civil)
A Garda Civil retirou do patio dun colexio de Mondoñedo (Lugo) unha serpe de preto de metro e medio de lonxitude. Tal como informou a Benemérita nun comunicado, foi a dirección do centro educativo a que alertou do suceso, despois de que os alumnos, que nese momento estaban no patio, achasen ao réptil (natrix maura) preto dun muro.
"Dada a alarma que a presenza do réptil ocasionou, nun momento en que a maior parte do alumnado atopábase no patio, procedeuse á retirada inminente do animal por parte dos axentes, quen nun primeiro momento trasladárona para o seu exame e posteriormente liberárona no seu hábitat natural", indicou a Garda Civil.
Logo de certificar o bo estado do animal por parte do persoal de medio ambiente da Xunta de Galicia, a serpe foi liberada nas inmediacións do Masma.
