Atracan con escopetas unha estación de servizo no Salnés na autoestrada AP-9

Dous encapuchados armados cunha escopeta asaltaron unha gasolineira da área de servizo do Salnés na autoestrada AP-9. Actuaron á luz día e levaron os cartos da recadación, que non eran moitos porque o establecemento levaba pouco tempo aberto.

Non sufriu danos ningún traballador. Os responsables do local non quixeron facer declaracións, mentres a Garda Civil xa investiga este atraco que podería estar relacionado con outro similar noutra gasolineira próxima a esta, en Caldas de Reis, a finais do pasado mes de abril.