Audasa obtivo un beneficio de 36 millóns, case un 70 % máis

A concesionaria da AP-9, Audasa, gañou 36,12 millóns netos, un 68,35 % máis con respecto ao mesmo período do ano pasado, entre xaneiro e xuño. 

Aínda que os viaxes pola autoestrada só creceron nun 3,75 %, uns 24.076 vehículos, os ingresos por peaxes situáronse preto dos 90 millóns de euros, un 12 % máis. 

A telepeaxe convértese no principal medio de pago dos usuarios, tres de cada catro usan este método. O pago con tarxeta tamén creceu nun 4,8 %, mentres o pago en efectivo diminuíu preto dun 12 %.