Cargando resultados...
BlaBlaCar pon en marcha un autobús entre O Porto e París con paradas en Vigo e A Coruña
BlaBlaCar pon en marcha un autobús entre O Porto e París con paradas en Vigo e A Coruña
O traxecto custará 50 euros durante a Semana Santa
G24.gal
16/03/2023 21:48
Última actualización 16/03/2023 22:18
A empresa BlaBlaCar vai poñer en marcha un autobús entre O Porto e París a partir do 29 de marzo. A liña inclúe paradas en Vigo e na Coruña.
O traxecto París-O Porto terá unha duración estimada de 24 horas e un prezo ao redor dos 50 euros durante a tempada de Semana Santa, segundo informou a compañía nun comunicado.
A este percorrido súmanse outros novos itinerarios que se poñerán en marcha a partir do 6 de abril e que conectarán Madrid coa capital de Portugal e algunhas cidades de Francia, con prezo estimado de 50 euros tanto para as viaxes entre Madrid, Lisboa e París como para a liña que conecta as cidades de Lyon e Montpellier con Toulouse e a capital.
