Buscan dúas persoas que se tiraron ao mar na contorna da Torre de Hércules

Un amplo dispositivo de emerxencias para buscar esta noite na Coruña dúas persoas no mar, na zona da Torre de Hércules. Un viandante que estaba na zona viu dúas siluetas meterse no mar e, en canto as perdeu de vista, alertou ao 112 por se estaban en apuros. Mobilizaron o helicóptero de Salvamento, os bombeiros, a Policía Local e tamén persoal sanitario do 061.

Pouco despois de dar o aviso, o home xa informaba de que os vira subindo por un sendeiro ao pé do faro romano, con aletas de submarinismo. Porén non puido determinar se eran ou non as mesmas persoas que vira antes.

Desde  a confraría de pescadores da Coruña sospeitan de que poderían ser dous furtivos xa que, segundo contan, acostuman achegarse á zona, nas primeiras horas da noite aproveitando as boas condicións do mar.