Cae un ultralixeiro fóra da pista do aeródromo de Monforte de Lemos

Segundo a información facilitada polo Centro Integrado de Atención ás Emerxencias de Galicia, o sinistro produciuse no aeródromo monfortino.

Por causas que aínda se descoñecen, o avión ultralixeiro caeu ao chan fóra das marxes da pista, posiblemente durante a manobra de engalaxe.

🔴 #AXEGAInforma dun accidente de avión ultralixeiro con dous ocupantes no interior.
📍 Aeródromo de #Monforte.

▶️ O aparello caeu fóra da pista, probablemente nas manobras de despegue.
▶️ Os feridos están recibindo asistencia médica. pic.twitter.com/up9YY0Yho2

— 112Galicia (@112Galicia) May 28, 2024

Segundo fontes dos equipos desprazados á zona, os dous ocupantes saíron do avión polo seu propio pé. Un dos feridos foi trasladado ao Centro de Saúde da localidade, mentres que o outro ingresou no Hospital de Monforte.

Ambos estaban liberados e accesibles e presentaban lesións de diversa consideración. Igualmente, e como medida preventiva, os bombeiros retiraron o combustible almacenado do depósito da avioneta e quedou preparada para a súa recollida.

Os ocupantes ían de camiño a Portugal, e pertencen a un clube asturiano da Morgal, en Llanera.