'Carmelamola' abre tenda física na Coruña
'Carmelamola' abre tenda física na Coruña
Carmen Álvarez, de 23 anos, empezou a facer bixutería para mellorar a súa destreza manual
Os xes do seu logotipo simbolizan os tres cromosomas que teñen as persoas con síndrome de Down
A tenda de Carmelamola acaba de abrir nun dos locais do mercado de Santo Agostiño, moi preto da praza de María Pita. Carmen Álvarez, ten 23 anos, empezou a facer bixutería para mellorar a súa destreza manual. E da venda dos seus colares, pulseiras e pendentes por internet pasa agora á tenda física, co apoio do Concello da Coruña e a Fundación Artesanía de Galicia.
"É a primeira persoa con síndrome de Down que abre unha tenda en España. É moi difícil meter na mesma frase autoemprego e discapacidade intelectual. Ela conseguiuno co apoio de todos nós, por suposto, e queremos que esto axude a outros mozos como ela xa que o 95% das persoas con síndrome de Down están desempregadas".
A nai e o pai de Carmen son os seus principais apoios na tenda aínda que esperan que o negocio vaia ben e poida contratar alguén como axuda laboral no futuro. Estes primeiros días, a clientela responde.
