Case tres meses fóra da casa por medo a volver
Case tres meses fóra da casa por medo a volver
Derrubouse unha vivenda que estrema coa súa e temen que a casa se derrube
83 días levan Teresa e Alfonso fóra da súa casa do Castro. Os mesmos que hai que caeu a vivenda en ruínas que linda coa súa.
Dende aquela viven no Barco cos seus fillos á espera, din, de que o Concello lles garanta que é segura.
Din que comezaron a denunciar o mal estado desa casa no ano 2009, no 2016 declarárona en ruína e no 2018 houbo unha derruba parcial que lles provocou danos no interior da súa casa.
Agora din, non se fían porque tan só pasaran oito meses dende que a declararan estabilizada ata que caeu por completo.
Dende o Concello do Barco din que, segundo apunta o informe do arquitecto municipal, non existe perigo.
Que a súa vivenda non se viu afectada pola derruba e que poden volver cando queiran á súa casa.
Patrimonio aprobou o anteproxecto para acometer as obras, prevén que o proxecto definitivo estará listo a final de mes.
No presuposto previsto contémplase, din dende o Concello, unha partida para custear as obras de reforma que reclaman, se fosen precisas.
