Catro detidos en Vigo despois do asalto a unha casa de Samil
Catro detidos en Vigo despois do asalto a unha casa de Samil
A policía baralla un posible axuste de contas no asalto en que un home foi acoitelado
Os feitos nunha vivenda da parroquia de Alcabre na mañá do domingo, cando dous homes entraron nun domicilio situado no número 145 da avenida Atlántida.
Á chegada dos axentes a vítima, un home de 29 anos, tentaba fuxir por unha ventá e no interior do inmoble sorprenderon os presuntos asaltantes. Ían armados con grandes coitelos e tiveron que reducilos con gas pementa.
Dúas mulleres pediron auxilio á Policía Local explicando que dous individuos asaltaran a casa e querían matar a parella dunha delas.
Alí apuñalaron outro home, presuntamente por un axuste de contas, xa que o ferido, ao parecer, dedícase á venda de droga en pequenas cantidades.
Os ocupantes da vivenda conseguiron escapar da casa. Era o ferido e unha muller parella do ferido. Os axentes sospeitaron dos dous, despois de que o home lle dixera a ela na ambulancia que lle gardase unha bolsa. Dentro atoparon diferentes cantidades de droga. Posteriormente rexistraron a casa onde atoparon máis estupefacientes.
Desta maneira, dous homes foron detidos por tentativa de homicidio e de violación de domicilio, mentres que o ferido e a súa parella tamén foron arrestados por un delito contra a saúde pública.
A investigación segue aberta á espera do paso a disposición xudicial dos detidos.
