Centos de manifestantes contra a amnistía cortan a A-6 para dirixirse á Moncloa
Centos de manifestantes contra a amnistía cortan a A-6 para dirixirse á Moncloa
Despois da concetración de Cibeles decidiron continuar coa protesta en Ferraz e na Moncloa
Os manifestantes tiveron o tráfico cortado durante dúas horas
Manifestantes contra a amnistían cortan a A-6 (EFE)
As protestas contra a amnistía e contra a investidura de Pedro Sánchez celebradas esta mañá en Cibeles continuaron esta tarde en Ferraz e nas proximidades do palacio da Moncloa ao desprazárense cara alí centos de manifestantes que chegaron a ocupar un treito da autovía A-6 de entrada a Madrid.
Pasadas as tres e media da tarde unha parte da protesta dispersouse e a Delegación do Goberno informou de que se volvía a abrir ao tráfico pero pouco despois regresaban os manifestantes e interrompían de novo a circulación.
As 400 persoas que secundaban esta protesta, segundo fontes da Delegación do Goberno, foron desaloxadas de forma pacífica polos axentes da Policía Nacional e boa parte deles dirixíronse cara a Ferraz.
O corte de tráfico da vía durou unhas dúas horas e provocou retencións de tres quilómetros.
