ChatGPT colapsa coas súas fotos animadas

Converter unha foto nun debuxo animado grazas ás ferramentas que proporciona a intelixencia artificial como o ChatGPT é a nova moda da que todos falan. 

"Non fixen as imaxes, pero si que a vin por todos os lados".

"A verdade e que se encheu bastante Internet de todas as fotos esas".

"Foi así un pouco repentino todo", comenta a rapazada.

E tan repentino. Todo comezou hai unha semana cando o propio CEO da empresa que creou o ChatGPT compartiu un destes retratos a través das redes sociais.

"O que ves imítalo ao final".

O éxito foi tal que nunha hora a aplicación sumou un millón de novos usuarios

 "Eu estaba na biblioteca e de repente os nosos amigos mandáronnos fotos de grupos e facendo iso porque o viran en TikTok".

Esta alta demanda obrigou os responsables a restrinxir o servizo de balde e a empezar a cobrar por usar a ferramenta.

"Se existe unha demanda, evidentemente as empresas van ver unha posibilidade de cobro".

O resultado das fotos ten unha estética moi semellante á que crea o icónico estudio de animación xaponés Ghibli, quen se posicionou rotundamente en contra desta moda que destrúe todo o esforzo dos procesos creativos pero ademais...

"A maioría das películas son como falando do medio ambiente e de protexer a natureza e todo iso".

Entón entra en xogo o impacto medioambiental que supón o uso da intelixencia artificial por mor da cantidade de auga que precisan para refrixerar os procesadores.

"Que por cada foto que consome como dous, tres litros de auga".

"Eu creo que a xente non é consciente do que hai detrás do que supón".

"E unha vez que che din que consome tanta auga pois dáche un pouco de mágoa facelas e sénteste mal cando fas unha", conclúen.