Chega á promoción do Camiño o espectáculo familiar 'Inventio'

Chega á promoción do Camiño o espectáculo familiar 'Inventio'.  Unha combinación de circo, ilusionismo, música e danza a cargo de preto de medio cento de profesionais. O espectáculo recupera elementos da tradición xacobea a través da maxia e do humor. Percorrerá as vilas e cidades galegas e logo dará o salto aos escenarios nacionais e internacionais. O arranque dun amplo programa cultural deste ano Xacobeo.

 "Que o Xacobeo sexa de toda Galicia, non só dos máis de cen concellos que atravesa o Camiño. Imos intentar que chegue a toda Galicia e fóra, que se sintan partícipes do que é o Xacobeo. Non hai que esquecer que é o acontecemento turístico nacional do ano 21 e do 22. Temos que facer unha especial forza para que así sexa e para seguir poñendo Galicia de moda", dixo o vicepresidente da Xunta, Alfonso Rueda.