Comísanlles corenta quilos de percebes a tres furtivos nunha praia de Laxe

Novo episodio de furtivismo, desta volta en Laxe. A intervenión dun vixilante da confraría de Camelle permitiu recuperar corenta quilos de percebe. Foi cando o garda perseguiu os tres homes e estes tiraron os percebes á area, na praia de Soeste, para poder así fuxir máis rapidamente. Intres antes estiveran apañándoos nunhas rochas próximas.

Porén o que non foi posible foi identificalos. Iso si, desde a confraría sinalan que non é a primeira vez que os furtivos extraen este crustáceo de xeito irregular nas súas concesións.