Cargando resultados...
Cortan o teito dun coche en Trabada para poder sacar unha muller ferida atrapada no interior
Cortan o teito dun coche en Trabada para poder sacar unha muller ferida atrapada no interior
A vítima presentaba varios traumatismos
O accidente sucedeu na estrada lucense LUP-6103 ,en Fórnea
![Efectivos de emerxencias no lugar do accidente/Bombeiros de Barreiros](https://img-g24-crtvg.flumotion.com/prog24/2024/20240601/WhatsAppImage2024-06-01at16.15.27.jpeg)
G24.gal
01/06/2024 16:16
Unha muller que sufriu un accidente este sábado na LUP-6103, ao seu paso polo concello lucense de Trabada, necesitou a axuda dos Bombeiros, que tiveron que cortar o teito do seu vehículo para sacala en padiola.
A vítima, condutora do turismo, presentaba varios traumatismos, segundo o 112. A muller perdeu o control do seu vehículo contra as nove da mañá deste sábado, á altura do punto quilométrico 5,500 da estrada LUP-6103 para saír pola marxe esquerda e envorcar na beiravía.
Ata a Fórnea desprazáronse os Bombeiros de Barreiros, ademais de membros do GES da Pontenova e axentes da Garda Civil de Tráfico.
![O vehículo envorcado en Fórnea, Lugo/ Bombeiros de Barreiros](https://img-g24-crtvg.flumotion.com/prog24/2024/20240601/WhatsAppImage2024-06-01at16.15.12(1).jpeg)