Cantos quilómetros do Camiño hai que andar para merecer unha Compostela? Hai debate
Cantos quilómetros do Camiño hai que andar para merecer unha Compostela? Hai debate
Hai asociacións que queren que se amplíe a 300 km para obter o certificado
Miguel é presidente de Camino Francés Federación, un grupo de asociacións de amigos do Camiño de Santiago Francés que queren ampliar a 300 quilómetros o mínimo de percorrido para que se obteña a Compostela.
Pero non todas as asociacións relacionadas co Camiño concordan con esta medida, como nos conta a secretaria da Asociación de Amigos do Camiño da provincia de Lugo, onde cren que con percorrer cen quilómetros abonda para conseguir o documento.
Na federación que preside Miguel tamén insisten en que o peregrino de longo percorrido é o que máis hai que coidar, por exemplo, reservándolle prazas nos albergues públicos ou ben evitando que espere as longas filas que hai, ás veces, para obter a Compostela.
Segundo Miguel, a preocupación que os move nas súas reivindicacións é conservar o espírito do Camiño, un Ben de Interese Cultural, Primeiro Itinerario Europeo e Patrimonio da Humanidade.
