Denuncian o envelenamento de gatos na vila de San Cibrao, en Cervo

Unha gata morreu tras aparecer no barrio da Galiñeira, en San Cibrao, botando escuma pola boca. Na clínica veterinaria onde atenderon o animal, en Burela, indicaron que os síntomas que amosaba eran compatibles cun envelenamento. Así e todo, os veciños indican que o exemplar morto non formaba parte da colonia felina local.

Dende a protectora de animais Coletiñas de Cervo, que colabora na esterilización dos gatos e que fixo público o caso, indican que, de repetirse, denunciarán este maltrato ante o Seprona. Pola súa parte, os veciños están preocupados polos produtos tóxicos que puidera haber na zona ao alcance dos gatos ou das súas mascotas.

Tanto os residentes no barrio como a protectora lembran que, por lei, é obrigatorio esterilizar os gatos que andan pola rúa e está prohibido alimentalos fóra do ámbito doméstico.