Desactivan unha granada de man con carga explosiva nunha casa deshabitada do Irixo

Localizada nunha casa deshabitada do municipio ourensán do Irixo unha granada de man. O artefacto conservaba a carga explosiva e a espoleta para a súa detonación.

Foi identificado por traballadores da mancomunidade do Carballiño, que alertaron a Garda Civil.

Ata a casa desprazáronse efectivos do grupo de desactivación de explosivos da benemérita de Pontevedra, que procederon á retirada do artefacto.