Investigan se un neno de Taboada acoitelou o seu padrasto para evitar que mallase na nai
Investigan se un neno de Taboada acoitelou o seu padrasto para evitar que mallase na nai
O home que foi detido, pasou a disposición xudicial por maltratar a súa parella
Quedou en liberdade pero coa prohibición de achegarse e comunicarse coa vítima
A xuíza decretou a posta en liberdade do home detido o domingo en Taboada por maltratar á súa parella, aínda que terá prohibido achegarse e comunicarse coa vítima.
Segundo informan fontes xudiciais, así o acordou a titular do Xulgado de Instrución número 1 de Chantada, que abriu contra o home unha causa por un delito de malos tratos habituais.
Segundo informaron fontes da Comandancia de Lugo, o arrestado foi atacado por un menor nese suposto episodio de violencia machista, por defender á súa nai. O detido presentaba un corte nas costas polo que non precisou ser trasladado a un centro hospitalario.
Segundo transcendeu, o menor é un neno de dez anos, quen saíu en defensa da nai, a quen o seu padrasto lle estaba dando unha malleira. O pequeno agarrou un coitelo e cravoullo nas costas ao home.
