Máis de 4.000 cruceiristas enchen as rúas, comercios e locais de hostalería da Coruña

Aluvión de cruceiristas na Coruña cun total de 4.250 pasaxeiros que desembarcaron á primeira hora da mañá deste xoves. Uns optaron ir por visitar Santiago de Compostela e outros quedaron na cidade herculina para coñecer os principais puntos de interese turístico.

E aínda teñen tempo para pasear gozando deste día solleiro e facer algunhas compras. E non renuncian tampouco a coñecer a nosa excelente gastronomía.

Neste mes de maio o porto da Coruña recibirá un total de 20 cruceiros, posicionándose como o mes máis demandado no peirao herculino.

Para xuño, o calendario é de 14 buques e unha dobre escala.