Dous detidos nun novo operativo contra o tráfico de drogas en Santiago
Dous detidos nun novo operativo contra o tráfico de drogas en Santiago
Os axentes atoparon un quilo de cocaína no seu coche e máis de 12.000 euros en efectivo na vivenda dun dos detidos
Axentes da Policía Nacional detiveron dúas persoas nun operativo contra o tráfico de drogas en Santiago de Compostela despois de atopar no seu coche un quilo de cocaína e máis de 12.000 euros en efectivo na vivenda dun dos detidos.
Foi nun dos dispositivos que a Policía Nacional de Santiago está a realizar no marco do Plan de resposta policial contra o tráfico ao por menor e consumo de drogas.
Nesta ocasión, a actitude dos dous ocupantes do vehículo alertou os axentes na zona sur da cidade. Tras darlle o alto e un exhaustivo rexistro do coche atoparon a droga oculta nun dos laterais da porta traseira.
Un ladrillo dun quilo de cocaína que podería superar no mercado as 40.000 doses cun valor superior aos 50.000 euros.
