Embarcamos coa Garda Civil nunha xornada de control por mar de lanchas de recreo
Embarcamos coa Garda Civil nunha xornada de control por mar de lanchas de recreo
A presenza destas embarcacións preto das zonas de baño adoita xerar conflito, sobre todo nas praias que non teñen balizas
A campaña está activa ata o vindeiro 15 de setembro
Ao igual que nos controis de Tráfico, o primeiro nestas inspeccións flotantes é asegurarse de que os papeis do barco e do patrón están en regra. Só que neste caso se entregan nun trueiro.
Este iate fondeado en Mera ten a documentación e o seguro en regra, así que toca revisar agora se ten a bordo todos os elementos de seguridade obrigatorios. A falta de chalecos ou o exceso de ocupantes son frecuentes entre os mariñeiros de bañador.
A campaña céntrase nas embarcacións deportivas e de lecer e ten un apartado específico para as motos de auga. A súa presenza preto das zonas de baño adoita xerar conflito, sobre todo nas praias que non teñen balizas.
A falta de inspección técnica, a condución nocturna ou o exceso de velocidade son outras das infraccións sancionadas na campaña, que se prolonga ata o 15 de setembro en todo o litoral galego.
