Encalla un iate de luxo en Sanxenxo

O iate Tumberry, un dos barcos máis luxosos de España, con 49 metros de eslora e un valor no mercado superior aos seis millóns de euros, encallou este domingo en Sanxenxo.

O barco sufriu unha vía de auga na sala de máquinas da embarcación e, tras unha primeira revisión, os operarios acordaron varalo a uns metros do peirao, fronte á praia de Carabuxeira.

A rápida actuación do persoal de Nauta Sanxenxo, Real Club Náutico de Sanxenxo, Salvamento Marítimo, Emerxencias e a Garda Civil impediu o seu afundimento, segundo informou o Concello de Sanxenxo.