O Goberno ábrese a negociar o adianto da xubilación no mundo do mar
O Goberno ábrese a negociar o adianto da xubilación no mundo do mar
Escrivá dixo que en 2022 os autónomos pasarán a cotizar polos seus ingresos reais e o réxime do mar incluirase nese novo modelo
O modelo de seguridade social nas actividades con particular penosidade, como o marisqueo, será revisado o ano que vén no obxectivo de lograr un sistema máis xusto, equitativo e sostible.
Díxoo o ministro José Luis Escrivá na súa intervención no Foro Mar organizado polo Unión Profesional de Traballadores Autónomos.
Escrivá dixo que en 2022 os autónomos pasarán a cotizar polos seus ingresos reais, e o réxime do mar incluirase nese novo modelo.
Os organizadores do Foro pedíronlle que se amplíen os coeficientes redutores da idade de xubilación dos mariscadores polas duras condicións do seu traballo. O ministro amosouse disposto a canalizar esas reivindicacións, polas que, dixo, ten a máxima simpatía.
