Falece un home de 72 anos ao saír da vía coa súa furgoneta en Dumbría
Falece un home de 72 anos ao saír da vía coa súa furgoneta en Dumbría
Ocorreu esta madrugada na AC-552, á altura de Berdeogas
Un home de 72 anos faleceu esta madrugada despois de saír da vía co seu vehículo en Dumbría (A Coruña). O accidente aconteceu no quilómetro 81 da AC-552 á altura de Berdeogas ao fío das 5:00 da madrugada, segundo informa Axega 112.
A vítima era o condutor e único ocupante do vehículo, unha furgoneta refrixerada que colidiu contra unha estrutura de canalización de agua.
Ata o lugar do sinistro desprazáronse axentes da Garda Civil de Tráfico, efectivos do 061 e os bombeiros de Cee, que liberaron o home. Cando chegaron, os servizos sanitarios tan só puideron confirmar o pasamento da vítima.
Foi un condutor, ao pasar polo lugar do accidente esta madrugada, o que deu aviso os equipos de emerxencia. Agora comezan as investigacións do porqué do sinistro deste veciño que era empresario e un home moi coñecido na zona.
Unha persoa evacuada en helicóptero en Muros
En Muros, mentres, unha persoa quedou ferida grave noutra saída de vía rexistrada na AC-550, á altura do punto quilométrico 34.
O 112 Galicia enviou o helicóptero medicalizado con base en Santiago e evacuou o ferido ao Hospital Clínico da capital.
