Falece un traballador ao caer dunha escaleira na Cañiza
Falece un traballador ao caer dunha escaleira na Cañiza
O operario estaba facendo traballos de reforma nun baixo da rúa do Progreso
Traballaba como autónomo nunha empresa de construción do Carballiño
Un ourensán de 51 anos perdeu a vida este luns nun accidente laboral no concello da Cañiza.
O suceso ocorreu pasadas as tres da tarde nun baixo situado na rúa do Progreso. Un dos operarios que estaba facendo obras de reforma caeu dende unha escaleira.
Á zona acudiu un equipo de emerxencias sanitarias a bordo dun helicóptero medicalizado. Pero xa non se puido facer nada pola súa vida.
🔴#AXEGAInforma dun operario falecido tras caer dunha escaleira na vía pública en #ACañiza.
— 112Galicia (@112Galicia) September 5, 2022
Malia a mobilización dun equipo de Urxencias Sanitarias a bordo do helicóptero medicalizado, nada puideron facer.
Tamén participou Policía Local, @guardiacivil e GES-SPEIS Ponteareas. pic.twitter.com/mmMJgFl2bM
