Falece un garda civil de 53 anos nun accidente de tráfico en Begonte
Falece un garda civil de 53 anos nun accidente de tráfico en Begonte
A vítima é o xefe do Centro Operativo de Servizos da Comandancia da Garda Civil de Lugo
As rodadas na gabia indican o punto onde se producía o accidente mortal minutos antes da unha da madrugada na estrada LU-541 que une Vilalba con Rábade no concello de Begonte.
Ata o lugar desprazáronse os bombeiros de Vilalba para proceder á excarceración da vítima e único ocupante do vehículo, que non respondeu aos intentos de reanimación dos servizos de emerxencia.
O falecido é un home de 53 anos veciño de Outeiro de Rei e xefe do Centro Operativo de Servizos da Comandancia da Garda Civil de Lugo.
Os veciños do lugar no que se produciu o accidente aseguran que esta vía é un punto negro e reclaman que se tomen medidas.
Descoñécense polo momento as causas do sinistro, que está a ser investigado pola Garda Civil.
