Cargando resultados...
Falece unha muller de 72 anos en Lourenzá por mor dunha caída
Falece unha muller de 72 anos en Lourenzá por mor dunha caída
A muller sufriu un forte golpe e os servizos de emerxencia certificaron a morte no mesmo lugar do suceso
G24.gal
06/09/2023 15:05
Unha muller de 72 anos faleceu este mediodía por mor dunha caída no municipio lucense de Lourenzá.
Segundo a información facilitada polo Centro Integrado de Atención as Emerxencias de Galicia (CIAE), foi persoal do 061 o que informou a través do 112 de que fora mobilizado un helicóptero medicalizado para auxiliar a vítima, que recibira un forte golpe a causa da caída.
Os feitos sucederon en Santo Tomé, no lugar de Castiñeiras Verdes. Para colaborar no auxilio á vítima, o 112 mobilizou a Garda Civil, a Protección Civil e o GES da Pontenova.
Finalmente, o 061 confirmou o falecemento da muller.
