Fartos dos accidentes dos camións no barrio vigués de Teis
Fartos dos accidentes dos camións no barrio vigués de Teis
Os veciños denuncian a perigosidade dos vehículos pesados, que se atrancan na vía
Xa son case unha decena os camións que quedaron atrapados nesta estrada que sobe á Madroa, no barrio vigués de Teis. Chegan ata aquí confundidos polo GPS. É o que lle ocorreu ao último camioneiro, que se estampou contra o poste.
O descoñecemento da zona e a falta de sinalización fan que esta vía se converta nun lugar de tránsito habitual para os camións. Os veciños din que a situación do tráfico nesta zona supón un grave perigo para as vivendas e para os viandantes. Un punto que é lugar de paso para numerosos peregrinos.
Levan moito tempo denunciando estes accidentes, sen recibir resposta por parte do Concello. Temen que o próximo sexa máis grave e piden medidas urxentes.
A velocidade e os sinistros están a deixar una perigosa pegada no barrio de Teis, onde asumen que este non será o último camión atrancado.
