Fedea calcula que aforraremos 40 euros en seis meses coa rebaixa do IVE alimentario

A Fundación de Estudos de Economía Aplicada aconsella cambiar a rebaixa xeral do IVE dos alimentos por axudas a rendas baixas. Un informe de Fedea apunta que isto melloraría a repartición distributiva das axudas.

Porque sinala que, coa rebaixa actual do IVE da cesta da compra, os consumidores aforrarán algo menos de 40 euros durante a primeira metade do ano, uns 6,6 euros ao mes.

A rebaixa ten un custo fiscal de 700 millóns de euros, e Fedea calcula que, se se cambiase por axudas directas, triplicarían a axuda aos fogares con menos ingresos.

"Entendemos a preocupación de intentar mitigar os efectos da inflación, pero hai formas máis efectivas. Se baixas os impostos é para todo o mundo, o preciso ou non. Pensamos que sería mellor concentrar as axudas nos que máis o necesiten, deste xeito sería ou máis barato ou axudas poderían ser máis xenerosas", asegura Ángel de la Fuente, director de Fedea.