Núñez Feijóo, ante a adianto das xerais: "Mellor canto antes"
Núñez Feijóo, ante a adianto das xerais: "Mellor canto antes"
O presidente do PP asegura que o seu partido está preparado para facerse co Goberno de España
A executiva popular recibiu este luns o seu presidente en pé e con aplausos. Alberto Núñez Feijóo debutou como líder do PP nunhas eleccións logrando unha vitoria clara para o seu partido.
"Recuperamos a mellor versión do noso partido, recuperamos aquel PP grande", dixo Alberto Núñez Feijóo dende o balcón de Génova. Na súa opinión, esta vitoria clara representa "o primeiro paso para un novo ciclo político que imos abrir con todos e para todos en España nos próximos meses".
Será agora antes do previsto, pero os populares aseguran que están listos para as xerais, cos ánimos reforzados tras a vitoria deste domingo.
Nas municipais, conseguiron darlles a volta ás anteriores e colocarse como primeira forza, 7 millóns de votos, 800.000 máis que o PSOE, gañando en cidades tan relevantes como Sevilla, Zaragoza ou Valencia.
A nivel autonómico, o PP estendeu o seu poder territorial. Conseguiu tres maiorías absolutas: A Rioxa, Melilla e Madrid e arrebatoulle seis comunidades á esquerda, entre elas, feudos como Estremadura ou Aragón.
A euforia que vive o Partido Popular só ten un pero: Vox. Terán que negociar cos de Abascal para conformar seis gobernos autonómicos.
