Flores para Diana Quer no sexto aniversario do seu asasinato
Flores para Diana Quer no sexto aniversario do seu asasinato
O pai da moza madrileña pídelle ao alcalde da Pobra unha placa de recordo
Na contorna do paseo do Areal, un farol sostén un centro de flores cunha foto de Diana Quer.
A nai da moza madrileña, Diana López, escribiu unha emotiva mensaxe. Nela dálle as grazas por ser a súa filla durante 18 anos e conta que o ramo, en forma de bágoa, simboliza o último momento en liberdade da rapaza, no lugar onde foi secuestrada.
O pai, Juan Carlos Quer, tamén lembrou a filla nas redes. Ao tempo volveulle pedir ao alcalde da Pobra unha placa en recordo de Diana e das demais vítimas da violencia.
Di Juan Carlos Quer que "ignorar que foi asasinada por un violador reincidente non contribúe a concienciar a sociedade sobre o grave problema da violencia sobre a muller".
O asasino, José Enrique Abuín, cumpre unha condena de prisión permanente revisable.
