Os furtivos de traxe de baño actúan sen control na praia de Arealonga, en Chapela

Os furtivos de traxe de baño están á alza no tempo de verán. Algúns finxen non saber a norma ou din que só colleron catro pezas para un arroz, algo que tampouco se pode facer.

Non é o caso da parroquia redondelá de Chapela, onde os furtivos se enfrontan ás mariscadoras legais dicindo que o fixeron así toda a vida. Malia ser persoas maiores son agresivos e raian vehículos e pican rodas. 

As mariscadoras séntense indefensas porque non se poñen multas, nin se vixía en exceso. Pero non queren renunciar a unha das súas mellores praias cando son elas as que pagan impostos, teñen o permiso, sementan e respectan as medidas. 

Tamén inciden no perigo sanitario que supón consumir este marisco.