Identificado o grupo que protagonizou unha liorta multitudinaria en Lugo

A Policía Nacional tivo que intervir esta madrugada nunha pelexa multitudinaria ás portas dun local de ocio na ronda da Muralla de Lugo.

Á súa chegada, os axentes atoparon un nutrido grupo de mozos que se estaban a agredir na rúa de xeito moi violento.

As tres patrullas policiais desprazadas ata o lugar dos feitos tardaron tres horas en disolver a liorta. Os mozos foron identificados en comisaría. Non houbo feridos de consideración.