Identificado un condutor que ía a 202 km/h nunha zona limitada a 100
Identificado un condutor que ía a 202 km/h nunha zona limitada a 100
![](https://img-g24-crtvg.flumotion.com/prog24/2023/20230415/INF221214159_00_00_22_00.jpg)
A Garda Civil logrou identificar un condutor captado por un radar móbil cando circulaba a unha velocidade de 202 quilómetros por hora nun tramo da A-54, que comunica Lugo con Santiago de Compostela, limitado a 100.
Segundo a información facilitada polo instituto armado, os feitos sucederon o 4 de febreiro, ás 12:32 horas, á altura do quilómetro 12 da autovía, no municipio de Lugo.
Aínda que o condutor foi captado polo radar móbil a unha velocidade que duplicaba a permitida para ese tramo, non foi posible darlle o alto nese momento.
Por iso, o Grupo de Investigación e Análise do Tráfico (GIAT) da Garda Civil de Lugo puxo en marcha unha investigación que permitiu identificar o condutor e imputalo por un delito contra a seguridade do tráfico, por conducir a unha velocidade excesiva.
As dilixencias policiais quedaron en mans do Xulgado de Garda de Lugo. Enfróntase a unha pena de seis meses de cárcere e á retirada do carné nun tempo que vai de un a catro anos.