Investigan na Coruña o condutor dun camión sen puntos no carné e positivo en drogas
Investigan na Coruña o condutor dun camión sen puntos no carné e positivo en drogas
Axentes da Garda Civil de Tráfico detectárono na AC-301, no concello de Rois
Non tiña tampouco autorización para a actividade do transporte
![](https://img-g24-crtvg.flumotion.com/prog24/2024/20240526/AxentedagardaCivildeTraficoconluz.png)
O Subsector de Tráfico da Garda Civil da Coruña investiga a un home que conducía un camión como suposto autor dun delito contra a seguridade viaria tras ser detectado sen puntos no carné, sen a autorización necesaria para o transporte e que deu positivo nas probas de drogas.
Os feitos sucederon durante un control de transportes na estrada AC-301, ao seu paso polo concello de Rois. Os axentes observaron a un camión con caixa que se aproximaba ao momento de control, procedendo a darlle o alto para a comprobación da mercadoría que transportaba e da documentación do vehículo e do seu condutor.
Ao efectuar as comprobacións pertinentes nas bases de datos, constataron que esta persoa carecía de permiso de condución en vigor pola detracción total do crédito de puntos, así como da pertinente autorización administrativa para a actividade do transporte.
Posteriormente foi sometido á proba de detección de drogas, lanzando un valor positivo no test indiciario por presenza de cocaína.
Ante estes feitos, a Garda Civil procedeu á investigación desta persoa como presunto autor dun delito contra a seguridade viaria por conducir sen o permiso de condución en vigor, o que conleva unha sanción de pena de prisión de tres a seis meses ou multa de 12 a 24 meses ou traballos en beneficio da comunidade de 31 a 90 días en caso de ser condenado.
Ademais, queda á espera do informe do laboratorio de referencia que, en caso de confirmar o positivo, conlevaría unha sanción de 1.000 euros e a detracción de seis puntos do permiso de condución.