Investigan un lanzamento de cócteles molotov a un bar de praia en Ribeira

Un lanzamento de cócteles molotov a un chiringuito da praia do Vilar, en Ribeira, puxo en alerta a toda a veciñanza.

O que nun principio foi un acto vandálico, puido acabar en traxedia. Esta mesma mañá a policía sinalaba a gravidade de que guindasen a botella inflamable a carón do tanque de gas situado preto do local. As lapas non o alcanzaron, pero os danos son visibles. 

Segundo o dono do local "nunca houbera un problema con ninguén" e foi "unha sorpresa".