Cargando resultados...
Localizan tres proxectís sen carga cando ían limpar unha nave en Valdoviño
Localizan tres proxectís sen carga cando ían limpar unha nave en Valdoviño
Os desactivadores de explosivos da Garda Civil destruíronos nunha canteira
Os proxectís localizados en Valdoviño sen espoleta nin carga
G24.gal
18/02/2023 10:31
Uns veciños de Valdoviño atoparon tres proxectís de máis de 150 milímetros mentres limpaban unha nave que querían poñer á venda.
Tras avisaren a Garda Civil, comprobouse que non tiñan nin espoleta nin carga explosiva e os TEDAX procederon á súa retirada e posterior destrución nunha canteira próxima.
A Garda Civil recorda que se atopamos explosivos non debemos collelos, nin manipulalos, xa que poderían estoupar. Debemos afastarnos do lugar e avisar o 062.
