Maridaxe de gastronomía, enoloxía e mergullo nun restaurante de Fisterra
Maridaxe de gastronomía, enoloxía e mergullo nun restaurante de Fisterra
No restaurante La Bayonnaise os viños avellentan no fondo da ría
Imponse en Galicia a tendencia das adegas submarinas para avellentar o viño. Pero a iniciativa que puxeron en marcha a modo de proba Alicia e Gonzalo en Fisterra, ten ademais outro ingrediente singular: van maridar enoloxía con mergullo.
Alicia e Gonzalo rexentan o restaurante La Bayonnaise en Fisterra desde hai 6 anos. Pero ambos comparten outra paixón: o mergullo.
De feito Alicia traballou como instrutora 20 anos. E agora decidiron emprender unha innovadora iniciativa que marida gastronomía, enoloxía e mergullo.
A idea está en fase de probas. O primeiro foi mergullar diferentes tipos de viños galegos no casco dun barco afundido na ría de Corcubión. Alí estarán 6 meses avellentando.
A finais de ano recollerán esta primeira colleita e catarana. Se todo vai ben o próximo ano estará en marcha na Bayonnaise, a maridaxe de mergullo e enoloxía.
