Un home de 85 anos falece tras sufrir un accidente de tráfico en Abadín

Un home de 85 anos, veciño de Cartaxena (Murcia), faleceu esta madrugada no hospital universitario Lucus Augusti de Lugo, onde estaba ingresado tras sufrir un accidente de tráfico.

O sinistro produciuse pouco antes das oito da tarde do sábado no punto quilométrico 14,400 da estrada LU-120 que une Vilalba e Paraxes, no termo municipal de Abadín. 

Segundo informa a Garda Civil, o coche no que viaxaba saíu da vía pola marxe esquerda e bateu contra unha canalización de auga.

Nun primeiro momento, o condutor e o seu acompañante quedaron feridos e foron trasladados ao centro hospitalario. Horas despois, confirmouse o falecemento dun deles.