Morre un traballador ao caerlle enriba unha máquina no polígono de Acevedo, en Cerceda
Morre un traballador ao caerlle enriba unha máquina no polígono de Acevedo, en Cerceda
Ata o lugar acudiron o 061, Garda Civil, Protección Civil, Policía Local e os bombeiros de Ordes para liberar o traballador
Un operario faleceu na mañá deste mércores nun accidente laboral tras caerlle encima unha máquina industrial no polígono de Acevedo no concello coruñés de Cerceda.
A vítima é un home de 36 anos de idade, veciño da comarca. Ao parecer estaba a reparar unha máquina retroescavadora no interior das instalacións da empresa Copagan, dedicada á produción e distribución de mestura para camada de vacún. Por causas que se descoñecen, o cazo da máquina caeulle enriba e ocasionoulle a morte.
Ao lugar do accidente desprazouse un dispositivo amplo de urxencias integrado por bombeiros de Ordes, Protección Civil de Cerceda, Policía Local, Garda Civil e unha dotación do O61.
Todos os efectivos permaneceron ante a nave en que se produciu o accidente ata pasado o mediodía, en que chegaron a autoridade xudicial e o forense para autorizar o levantamento do cadáver e o seu traslado para realizarlle a autopsia.
🔴#AXEGAInforma de que un operario faleceu ao caerlle encima unha máquina industrial en #Cerceda, no Polígono do Acevedo. Os #BombeirosOrdes atópanse no lugar para liberar ao traballador. Acudiron tamén: servizos sanitarios, @guardiacivil, #PolicíaLocal e #ProtecciónCivil. pic.twitter.com/gdubUCvbFF
— 112Galicia (@112Galicia) January 19, 2022
