Morre unha persoa mentres manexaba unha rozadoira en Taboada
Morre unha persoa mentres manexaba unha rozadoira en Taboada
Segunda vítima mortal nun accidente con maquinaria agrícola esta fin de semana
Segundo accidente mortal con maquinaria agrícola en Galicia este domingo. Desta volta, aconteceu no concello de Taboada. A vítima manexaba unha rozadoira.
O suceso produciuse no lugar de Carude ata onde se desprazaron os serizos de emerxencias que non puideron facer nada por salvarlle a vida.
A maquinaria estaba nunha pista forestal. Un particular avisou ao 112 que mobilizou aos bombeiros de Chantada, para que auxiliaran ao home aue estaba atrapado baixo a máquina. Os veciños que andaban pola zona puideron levantala, polo que non fixo falta a actuación dos bombeiros.
Cando o sacaron xa estaba morto. Os sanitarios do 061 só puideron certificar o seu falecemento. Ata o lugar do accidente desprazáronse tamén o GES de Monterroso, a Garda Civil e Protección Civil.
