Morre unha veciña de Viveiro, de vacacións na Habana, na explosión do hotel Saratoga
Morre unha veciña de Viveiro, de vacacións na Habana, na explosión do hotel Saratoga
A onda expansiva golpeouna na rúa, por onde pasaba canda o seu mozo
O Goberno vai acelerar os trámites para repatriar o cadáver da viveirense Cristina López-Cerón
Este sábado en Viveiro a primeira hora a xente da contorna de Cristina López-Cerón Ugarte xa confirmaba que esta moza, veciña da vila e nada en 1993, era unha das vítimas da explosión do hotel Saratoga, na Habana Vella.
Exteriores comunicaba oficialmente horas despois o seu falecemento á alcaldesa de Viveiro, María Loureiro, quen expresou a consternación e a pena de todo o Concello por este fatídico falecemento.
Malia ser veciña de Viveiro, Cristina traballaba nunha sucursal bancaria en Ortigueira e residía nas Pontes co seu mozo, César Román Santalla, con quen estaba de vacacións en Cuba.
Casualmente andaban polas proximidades do Saratoga, no coñecido Paseo do Prado, un céntrico e histórico hotel da Habana Vella, cando os golpeou a onda expansiva que produciu a explosión do hotel, debida, segundo o Goberno cubano, a un escape de gas.
.png)
