Na Festa da Ameixa do Carril degustaron unhas cinco mil racións

Na lonxa do Carril o recendo das potas abre o apetito dende primeira hora da mañá. Vanse preparar uns tres mil quilos de ameixa xapónica.

"Eu penso que se van acabar, amais un día coma o de hoxe que está de néboa, non está para ir á praia. Temos para unhas cinco mil racións. Hai ameixas para moita xente". "A receita é sinxela e o segredo e a auga de aquí do Carril que lle da o toque a ameixa".

"Este ano son todas xapónicas, porque a babosa morreu cen por cen; non se sementou ata marzo e non dá o tamaño comercial", di o patrón maior Javier Quintáns.

O prezo da ameixa subiu, pero aquí mantense  a ración a doce euros coma o ano pasado.

"Están riquísimas, moi boas ademais a temperatura acompaña".

"Son grandes e a salsa está moi boa tamén". 

A festa coincide este ano cun bo momento da campaña.

"En xaneiro, febreiro e marzo estivemos a dúas velas, coma quen di, porque a escaseza foi total pero agora xa empezamos a sacar a colleita nova. Esta semana houbo nove ou dez mil quilos, todos os días, di Quintáns.