Noia pechou con satisfacción a primeira poxa desta agardada campaña de marisqueo
Noia pechou con satisfacción a primeira poxa desta agardada campaña de marisqueo
Apañaron sobre todo berberecho de terceira e cuarta categoría, que chegou a uns prezos de sete e cinco euros o quilo
O berberecho de primeira, moi escaso, superou os 30 euros o quilo
Logo dunha longa espera, volveu o marisqueo á ría de Muros e Noia. Este luns á tarde celebrouse a primeira poxa da campaña, cun resultado razoablemente satisfactorio.
Había moita expectación por ver os prezos deste agardado inicio. Puidéronse alcanzar os topes de ameixa xapónica (andou sobre os dez euros o quilo) e de berberecho de terceira (chegou a algo máis de sete euros o quilo) e cuarta categoría (algo máis de cinco euros). Iso si, do de primeira só se apañaron pouco máis de dous quilos, e o seu prezo superou os 30 euros o quilo.
Despois dun ano de paraxe, entre os 1.500 mariscadores e mariscadoras de Noia hai certa esperanza no que poida traer cada nova xornada desta campaña, pero irán mirando con cautela a súa evolución.
.png)
