O Congreso debate a transferencia da titularidade e competencias da AP-9 a Galicia

O Congreso dos Deputados debate este martes a proposición de lei do Parlamento galego para cambiar a concesión e suprimir as peaxes na AP-9. 

A iniciativa do PP, apoiada por unanimidade no Parlamento galego, inclúe a premisa de que todos os acordos aos que se chegue corran á conta do Estado.

Segundo os datos da propia Audasa, cada día do ano pasado circularon pola AP-9 máis de 25.000 vehículos, a cifra máis alta dos últimos cinco anos. Condutores que o ano pasado deixaron máis de 192 millóns de euros na caixa, un 12 por cento máis.

Esta suba de ingresos que elevou o beneficio da concesionaria ata os 82 millóns de euros, case un 25 por cento máis.