A falsa tradición dos peregrinos de queimar as botas en Fisterra ten os días contados

Dende hai tempo en Fisterra hai carteis que intentan disuadir os peregrinos da falsa tradición de queimar a roupa e as botas ao final do Camiño. Pero como esas advertencias non serviron de moito, o Concello acaba de colocar un colector especial para aqueles que queiran desprenderse do seu equipamento, pero de maneira limpa e sostible. Din que deste xeito o bo camiño terá tamén un bo final.